بلا می سر 4
18+
گیل آوایی
من عاشقه تی مسته چومانم بلا می سر
مستانه شبان دس بتی رانم بلا می سر
وختی کی آیی غمزه مرا مویا دیهی باد
پاک قاقه تی او سورخه جولانم بلا می سر
سینا نوا گفتن کی هاچین وسوسه ای وای
لاب تور جه تی او توکه زبانم بلا می سر
سوسو نوا دان ایپچه بی یه می کشه با ناز
کی مسته تی او گوزه گبانم بلا می سر
بیخود نوا شاخ شانه کشن های کرا بون لات
من لاته تی او سر به می بالم بلا می سر
هرماله نیشه دیل به ایجا از تو نبه یاد
فان در چوتو من سر بفغانم بلا می سر
تی بالا واکون جنگله گیسویا بدن باد
کی غش بوگوده سر بتی پایم بلا می سر
خنده بوکون تی خنده صدا امرا ببم قاق
من قاقه تی هر خنده صدایم بلا می سر
عشوه تو بوکون بادا ده تی چین چینه دامن
پاک زاکا بو چومان بتی پایم بلا می سر
هانده گیل آوایی کرا بوستان دره بی تاب
تی واستی بازام خلوته جایم بلا می سر!؟
هیچ نظری موجود نیست:
ارسال یک نظر