بمناسبت روز جهانی زبان مادری
سركشم...........
سرکشـم سرکـش هاچیـن او وحـشی اسبانا مانـم
گيــــــــــله مردم، گيـــلكم، سبزم کوچئ خانا مانم
داب نئ يه مئ خاكه مِن گردن فوروز آردن بزور
عـالـمـه آدم نـانـم مـن خـاک گـیـلانــا مـانـم
فان در آ گردن شكستانا بوبو بيگانا جــــــــــــــور
جنـــــگلئ جنـــــگل خوسم سرپور به دستانا مانم
ديل بزه دريــــــــا ايسم طوفــــــانه امرا دس برار
پور بيدم سرما بچــــــــــــــاستا سربه دارانا مانم
خوشــــكه وايم، گيـــله وايم، شورمم بئ سر صدا
موشته خـــــــاكم مئ ريفه قانه فادا جــــــــانا مانم
گيلـــــــــــــكانا وام رازه گردن ناهان بيــگانا زور
زور ببه عـــــــــــــالم فوگوردانم مئ جانانا مانم
وان سوخه نرمئ مرا گر مهربان يــــــــــارئ نبه
ياورئ حرفه ناويره سنـــــــــــــــــگه خارانا مانم
هركئ گيلانه پناه بارده بوبوستم سرپنـــــــــــــــاه
هر هوجوم باردا فوتوركستم مئ یارانا مــــــــانم
سبزمه سبزم مثاله جنــــــگلانه ديلمـــــــــــــــــان
گيله مردم من جه نرمئ مئ بيجارانا مانــــــــــــم
چو نزن بيخود گيل آوايه واكفته روزيــــــــــــگار
وانسوخه نرمئ مرا مئ گيلــــو سنـــــــــگانا مانم
" تی واسی" کیتابه جا- گیلیکی غزلان -
از
گیل آوایی
۱ نظر:
خیلی قشنگ بو آبرار
ارسال یک نظر