رشت

رشت 1

من نانم

کی تانم

دوباره رشتَ بیدینم

سورخه گول

بنفشه گول

خومام جاده بیدینم

عید دم آلبالو آب

سینزده بدر

سبزه به آب

تره سیر باقلا پلا

زواله خواب َ بیدینم.

مرا یاد نیشه

اوسال او پیله ورف

بامان جور ورف پاکونی

امی خانه لوجنک

تنگه سولاخه بیدینم،

چاه سرآب واقوزی

حوض میان غوطه خوری

امی خانه همسایه

خوجه دارابیدینم.

تابستانان ایوان سر خوفتنُ

صوب سر چاندارانَ هوار کشی

اَخ می دیل تنگه حتو

اوشان چانچو میان

تازه چوچاقَ بیدینم.

سُرخبنده* صحرایی

آب لب دوکان داران

سبز میدان مش حسن

روبار لات لُوت زاکانَ بیدینم.

باهاران آلوچه وقت

تابستانان سیاه ولش

گرم باد پاییزَ

کونوس پچانه بیدینم.

آی خـُدا

من کی ده غوربتیم

چند سالَ کی غوربت ایسام

به حتو کی ایتا شب

من رشت خابا بیدینم

می ماره کاس چومانَ بیدینم.

ماه مه 1990

*کوی سُرخبنده از محله های قدیمی و بزرگ شُمال رشت که سابقاً "ساروق بندان " نامیده میشد که مرکزی برای مبادله کالا ها بین رشت ، بندر انزلی و پیر بازار بود که امروز از سه راه تختی تا چهارراه گلسار میباشد ، کوی سرخبنده امروزدربر گیرندةگذرها و محله های چون : دهنة تختی، نفت انبار، سُرخبنده ، راستة صندوق سازان، پل چراغعلی، روبار زیر ، روبار لات ، و پل تختی میباشد.

.