عاشورپور ره
تو واسی
اون همه گانه و بیگانه میان
تنهایی چوم فوچه بی ؟
هیشکی وا خبر نوکوده لیلی یا؟.
آی لیلی
جان لیلی
بنه نارنج کنار
راه دکف راه میانی
نتانی ؟
سیفید ماهی با بیبی
روخان وربا بیشی .
کللی ،اوی کللی
تو بازم سـِب مانی
سورخه جولی
هیمه وا کی ور بنی ؟
بوشو لاجان تا تانی
جینگه وا خبر نیه
بدانه خون فوکونه.
دریا توفان داره باز
باد و باران داره باز
گیله مردای چی خانه؟
کی اونه درد دیله
بجان هینه ؟
اوی برار
جومه بازار کی ایسا ؟
همه تان را دکفید
سازو نقاره مرا
عالمه خبر بدید
همه جا جار بزنید
هتو فریاد بزنید
نازنین یار دِ بوشو
همه فریاد دِ بوشو.
جان مریم چی بوبوست؟
آهو چومان چی بوبوست؟.
حاج خانم کو ور دری ؟
تو واسی دِ نو دوبی
ترسه آخر بکفی
چوم کی دِ دوسته بوست
روح ور روخان تان دکفی .
۵ نظر:
خدا بیامرزدش
او را نمیشناختم ولی شخصیت او از ترانه هایش مشخص بود. در دل همه جا داشت و دارد
روحش شاد، به همه گیلانیان و گیلک زبانان تسلیت میگویم.
اقای گرامی ساسان جان ورتوان
عاشورپوره عکسا آ روزان اینقدر ناجه مرا نیگا بوگودم و هیزا هیزار گورشا بوم کی چره آمی پیله گیلکانا زنده بو، قدر نانیمی! هاتو میره عاشورپوره ترانانا مرا اشک فوگودم
ایتا چاردانه یام عاشورپوره پیشکش تی وب لاگه مِن کی میره میره هانا های واگویا بوگودم:
تی جا خالی نگم آ روزیگارا
دمرده روزگاره بی بهارا
آمی دیل زنده ای با تی ترانه
تویی هانده گولازه گیلاکانه
تی قوربان
بوشو افسوس بمانسته مِره آه
هیزار تا غورصه امرا تک و تنها
اونه اوخان دیپیچسته همه جا
جه مورداب تو بگیر درفک همه جا
تسلیت به همه ، دیگر مثل او نخواهیم داشت.
ارسال یک نظر