هاچین دوخوانی
گیل آوایی
اکتبر2007
الان کی نام آویرم تو میناما چی دوخوانی
دمرده غوربته جا تاسیانه چی فورانی
کرا تونام مرا از پا دکفته دی سوسو
مره شواله ایسم تو چره مرا سوجانی
دانی کی هانده می یارانه راه کرا نم پا
می پا دوسته ناها، لیسکا بو مرا دو وانی!؟
عجب خیالا بیدین پاک بوبوسته ونگی زای
شبانده روز گمه آخه چقد وطن دوخوانی!؟
بوشو بدا کی می تنهایی جا مره واسوجم
ده پاک جوخوفته آ غوربت چره مرا ولانی
نانی دکفته حریفم کرا درم میدان
کفم مره ویریزم ، نیصفه هاچین دوخوانی!
منم واشوسته جه ارسو ایسَم سله پوره آب
تونام کی های دوخوانی هانده رادوار فورانی
آیه ایروز دانمه ول گیرم شمه دریا
خزر خزر کشا گیفتانا وا بازین دوخوانی
بهاره پاستنه ره دیل فوزم هیزار تی تی
گیل آوایه تو هاچین دس چوپور نایه دوخوانی
هیچ نظری موجود نیست:
ارسال یک نظر