بلا می سر 1 جه گیل آوایی

تی واسی ، گیلیکی چکامه یان جه گیل آوایی چاپ بوبُست

سرمای زمستان بگوروخت فصله بهاره بلا می سر

بلامی سر 1

گیل آوایی جه

بیشتاو نوروزیخوانا خوانه هانده بهاره بلا می سر

دارانا بزه تی تی کرا وخته قراره بلا می سر

غورصه نوا خوردن، ده زمستان بکلاسته جه خو سردی

سردی بنه تا آسمانه لچه بیشیم وقته گولازه بلا می سر

جنگل کرا دارانه جیری رقصا دره هانده بنفشه

سرمای زمستان بگوروخت فصله بهاره بلا می سر

باغو بیجارانا وا بدیم نازو بیگیم هانده دیله راز

رازه امی گیلان امی کاره امی گیلانه بهاره بلا می سر

بیشتاو نوروزی خوانا بهار آمد بهار آمد خوش آمد

باور نوا داشتن تو عزا ناله بهاره ده بهاره بلا می سر

اویی گیله مردانه صدایه کی اوخوانا دره جنگل

ورف آبا بو سبزا بو همه واشو گوماره بلا می سر

وخته ده هارای زئن هاما با دسکلا یو ناز

سرما کمرا بشکنه نوروزه بهاره بلا می سر

فاندر گیل آوایی کی ایسه جنگله دیلدار

با ناجه کرا موشته بنفشه بیچه باره بلا می سر